Keixetak Izotz Ertzak ekarri ditu tTok-era

2020eko Irailaren 16a

29 obra: 20 formatu handi eta ttipiko margolan eta 9 zeramikazko eskulturak ekarri ditu Zumaiako artistak

Izotz ertzak da Keixeta-k (Txiki Agirre Keixeta, 1963, Arroa) aurkezten duen obra sortaren izenburua, eta bertan batez ere azken hilabeteetan egindako lanak daude ikusgai Uztaritzen, tTok arte lekuan, azaroaren 2ra arte.

Azpimarragarria da azken urteetan zeramika piezek hartu duten protagonismoa. Erabiltzen dituen pasta eta teknika desberdinek pintura eta zeramikaren artean harremanak sortu ditu, bata bestearen lagungarri eta era berean independente egonez.

Jakinean gara azken hamarkadetan naturarekiko eta, oro har, bizi garen planetarekiko gizakiaren arduragabekeriak aldaketa klimatikoa dakarrela, izotz mendien urtzea eta desegitea denean adierazle ikusgarrienetako bat.

Izotz mendiak oinarritzat harturik, aurtengo udaberrian, konfinamenduan sorturiko margo eta portzelanazko zein zeramikazko eskulturak dira Keixetak aurkezten dizkigun obrak. Materialak eskaintzen dituen baliabide plastikoak erabiliz (zuritasuna, hauskortasuna, gardentasuna), eta bere ohiko forma tubularren bitartez, pitzadurak eta hausturak behartzen dizkie eskulturei, itxura iragankorra emanez.

Deigarriak dira zeramikazko buruak, plazara begira, isolamendu garaian denok sentitu ditugun beldurra eta kezka adierazten dutenean. Era berean kokapenak eta kopuruak egunero hain presente ditugun "distantzia eta maskarak" gogorarazten dizkigu.

Formatu handi eta ertaineko koadroak multzoka kokatzen dira, erakusketa aretoaren neurriei egokituta.

Margoetan gai nagusia itxura organikoa duten isla edo planetatxoak dira, bizitza berri baten fikziozko esperantza…

iF-ekin solasean

2022ko Azaroaren 11a

"Er(r)otxiki" deitzen da iF Matxikote artistak Ttok erakusgelan aurkeztu berri duen lan sorta. Radiokultura irratiko Mikel Etxebarriaren mikroan azalpenak ematen dizkigu.

Aitor Ruiz de Eginoren obra antropozoofitoformea

2021eko Abenduaren 15a

Pandemiak ez dio Aitor Ruiz de Eginori alferkerietarako tarterik utzi. Alderantziz, garai berezi hauetan lanean karraskan aritu zaigu. Horren uzta? Ehun eta berrogeita hamar pintura eta marrazki, hogei zeramika inguru, hamabost porespanean egindako eskulturak, sei aluminiora eta beste 2 brontzera pasa dituenak.

Irantzu Lekue | iSSSilpean

2021eko Irailaren 20a

Irantzu Lekuek tTok-en jarri duen 'Isssilpean' erakusketak obra anitzak biltzen ditu: margolan materiadunak, eskulturak, bideoak, argazkiak, objektuak… Olatz Idoateren mikroan (Gure Irratia) bere bideaz eta obren erranahiaz ari zaigu.

Harremana


tTok - Joaniskobaita, Purguko kurutzeko plaza - 64480 Uztaritze (Lapurdi - EH)
+33 (0) 601 980 024 | +33 (0) 559 930 561