Aware, iragankortasuna iturri

2024ko Maiatzaren 15a

Egokitzapen eta hobetze tekniko batzuk egin ondoren tTok berriz irekitzen dugu, heldu den ostiralean, maiatzak 17, 19:00, erakusketa berri baten estreinarekin! Ongi etorri!

Iker Valle-k Aware izena eman dion obra sorta aurkeztuko digu eta uztailaren 4ra arte ikusgai izanen da.

tTok-ek 5 urte!

Ireki zenetik Euskal Herri osoko artista plastiko-bisualak aurkezteko xedea hartu zuen tTok-ek. Zapart sareari hertsiki loturik eta Euskal Kultur Erakundearen baitezpadako babes bakarrari esker genero, teknika eta edozein dela harturiko bidea, gure herrian bizi eta profesionalak diren sortzaileak ekartzen ditugu Uztaritzera…

…eta Uztaritzetik Euskal Herri osora!

ZAPART sarearekin artea ikusgai jarri nahi dugunez, tTok-en antolatzen diren erakusketa bakoitzeko bideo-dokumentalak sortu eta zabaltzen ditugu. Eta beti gehiago nahi dugulako ARTEKARIA ataria sortu dugu (https://artekaria.eus) gure lurralde osoan zehar dauden erakusketen berri emateko eta arteari buruz informazioak zabaltzeko.

Errutinatik ateratzeko eta buruan haize freskoa sartzeko bidea delako, ez ahantz zure arte dosia erregularki hartzea! Hori bai osasunerako ona!

Ostirala arte tTok-en!

iF-ekin solasean

2022ko Azaroaren 11a

"Er(r)otxiki" deitzen da iF Matxikote artistak Ttok erakusgelan aurkeztu berri duen lan sorta. Radiokultura irratiko Mikel Etxebarriaren mikroan azalpenak ematen dizkigu.

Aitor Ruiz de Eginoren obra antropozoofitoformea

2021eko Abenduaren 15a

Pandemiak ez dio Aitor Ruiz de Eginori alferkerietarako tarterik utzi. Alderantziz, garai berezi hauetan lanean karraskan aritu zaigu. Horren uzta? Ehun eta berrogeita hamar pintura eta marrazki, hogei zeramika inguru, hamabost porespanean egindako eskulturak, sei aluminiora eta beste 2 brontzera pasa dituenak.

Irantzu Lekue | iSSSilpean

2021eko Irailaren 20a

Irantzu Lekuek tTok-en jarri duen 'Isssilpean' erakusketak obra anitzak biltzen ditu: margolan materiadunak, eskulturak, bideoak, argazkiak, objektuak… Olatz Idoateren mikroan (Gure Irratia) bere bideaz eta obren erranahiaz ari zaigu.

Harremana


tTok - Joaniskobaita, Purguko kurutzeko plaza - 64480 Uztaritze (Lapurdi - EH)
+33 (0) 601 980 024 | +33 (0) 559 930 561