Erakusketa
Erakusketak izaera autobiografiko, pertsonal, esperimental eta intimista handiko lagin batean murgiltzea proposatzen du. Irantzu Lekueren ibilbidearen hainbat etapatan sortutako lanak, hainbat leku eta denboratan esperimentatuak. Espazio ireki edo itxietarako asmatutako obren erregistroak, iragankorrak edo iraunkorrak. Ikus-entzunezko lanak, esku hartutako objektuak, margolanak, materiazkoak, "Isiltasuna" hitzaren inguruan.
Isilik. Isilune asko gordetzen ditugu. Besteentzat, geure buruentzat. Aldez aurretik pentsatutako isiluneak, helburu jakin batekin, edo ezarritako isiluneak. Erakusketak izaera sozial nabarmena duten lanak biltzen ditu, ikuspegi introspektibo batetik begiratuta.
Duela urte eta erdi Thesalonicara bidaiatu zuten lanak, baina baita argitaratu gabeko lanak edo saritutako lanak ere. Hasiera berri bati hasiera ematen dion atzera begirakoa.
Ziklo bat itxi eta berria hasi. Eta hasiera berri batetik, ikuspegi berriak sortzen dira. Balioak, pentsamendu kritikoa, emozioak eta esperimentazioa oinarri hartuta berritzea.
KASU! Erakusketaren ordutegiak horiek dira:
Eta noski, ordutegi horietatik kanpo bisitatu nahi izanez gero, baita talde bisitentzat ere, 06.01.98.00.24 zenbakira deitu eta atea plazerez irekiko zaizu elkarrekin finkatu tenorean!
Bisita
Irantzuk Gasteizen (Araba) bizi eta lan egiten du. Urrun izan arren eta osasun giroa den bezalakoa izanik, bisita berezi bat proposatu nahi dizugu artistaren presentzia birtualarekin eta zuzenean (6 personetara mugatua - idatzi ttok[a]ttok.eus edo deitu 06.01.98.00.24).
Arrakasta eta eskaeraren arabera beste saio bat antola daiteke.
Erakusketa
Erakusketa
Erakusketa
Erakusketa
Erakusketa
Erakusketa
2021eko Irailaren 20a
Irantzu Lekuek tTok-en jarri duen 'Isssilpean' erakusketak obra anitzak biltzen ditu: margolan materiadunak, eskulturak, bideoak, argazkiak, objektuak… Olatz Idoateren mikroan (Gure Irratia) bere bideaz eta obren erranahiaz ari zaigu.
2021eko Ekainaren 17a
Paisai organikoek gorputza eta paisaien arteko harremana dakarte. Hitzaren mugetatik baino harago, dantza eta tindua batzen dituen artista dugu Arantxa. Gure Irratiko Arantxa Idiederren galderei erantzuten die bideo honetan.
2021eko Martxoaren 05a
Gure Irratiko Olatz Idoatek Mikel Dalbret elkarrizketatu du. tTok arte lekuan 2021ko urtarrilaren 6tik apirilaren 2a bitartean jarri duen erakusketa "Intimistaz" eta bere historiaz ari zaigu.
2020eko Urriaren 14a | Euskadi Irratia | Nekane Peñagarikano
Euskadi Irratian Arratsaldekoa emankinzunean Keixeta eta iF Nekane Peñagarikano kazetariarekin eleketan tTok-en jarritako erakusketaz.
2020eko Urriaren 02a
Keixetak Arantxa Idiederren (Gure Irratia) galderei erantzuten die bere desmartxa eta tTok arte lekuan jarri duen erakusketa azalduz. Erakusketa irailaren 18tik azaroaren 2ra iranen du.
Estreinaldi eta erakusketa datak bide elektronikoz jasotzeko izena eman!
Eta nahi izanez gero Whatsapp-ez jaso zenitzake ere bai!
Artista tailer bat erakusketa gela partekatu bilakatua, horixe da tTok, eta herritarrentzat bertatik bertara artista ezberdinen artelanak ikusteko aukera.
tTok ez da galeria bat, artista baten tailerra/erakusketa-gela baizik, eta horretan aukera pare gabea sortzaileentzat, ez baitu edozeinek bere lanak iraunkorki erakusteko lekurik. Horra lekua beste artista batzuei irekitzearen zergatia.
Herrian bertan, arteari leku ikusgarriagoa eskaintzeko aukera da bestetik. Eta zer hobe artista eta arte ildo ezberdinak ikusteko parada izatea baino? Arte dinamika piztuz, bateko eta besteko sortzaileak erakutsiko dira tTok-en.
Garai ezberdinak izanen dira: alde batetik erakusketa kolektiboak (gehienetan artista bat edo bi gomitaturik), eta bestetik iF-en azken obren erakusketa.
tTok motzean:
Ordutegi honetatik kanpo ere irekia izan daiteke (ziur izan nahiez gero, edo bisita antolatu nahi izanez gero: 06 01 98 00 24)
Etortzeko: jin hemendik
tTok - Joaniskobaita, Purguko kurutzeko plaza - 64480 Uztaritze (Lapurdi - EH)
+33 (0) 601 980 024 | +33 (0) 559 930 561
