Arantxa Lannes

Arantxa Lannes (1987, Uztaritze) artistaren bidea arte plastikoen eta dantzaren artean garatzen doa.

Arte Plastikoetan ikasketak Baionako arte eskolan hasi eta Bordele III-ko Unibertsitatean lizentziatu zen. Okzitaniako Tolosan dantza heziketa segitu zuen, eta Pantin-eko Estatuko Dantza Zentroan (CDN) dantza garaikide erakasle Estatu Diploma jaso zuen 2019an. Ahotsa ere landu du, Baionako kontserbatorioko kantu liriko klasean.

Arantxa konpainia desberdinetan ibili da, interprete dantzari bezala eta batzutan kantari bezala. Dantzari amaturrentzat koregrafiatu izan du bestalde. 2020an, bere lehen pieza multidiziplinarioa sortu zuen, Ibilaldi artistikoa, gune bereziendako bidai poetiko bat.

Artista honi loturik

Arantxa Lannes paisai organikoetaz eleketan

Paisai organikoek gorputza eta paisaien arteko harremana dakarte. Hitzaren mugetatik baino harago, dantza eta tindua batzen dituen artista dugu Arantxa. Gure Irratiko Arantxa Idiederren galderei erantzuten die bideo honetan.

2021eko Ekainaren 17a

Arantxa
avatar

Arantxa Lannes

iF

iF-ek (Yves Matxikote Jorajuriak) batez ere tinduan garatzen badu ere bere desmartxa, Baionako eta Bordaleko Arte Ederretako eskoletan euskarri eta teknika ezberdinak probatzeko barneratu zuen ohitura­rekin segitzen du.

Funtsean ez zaio gusta­tzen ez arlo batera ez estilo batera mugatzea. Esploratzea du gustuko eta ikerketa horretan gaiak du garrantzia.

Arte engaiatua garatzen du. Jendartea eta gizakiaren baldintzak ditu inspirazio iturri.

Gauzak bizitzen dituen bezala, zeharkako biderik gabe, gordinki, ekartzen ditu; eta bere munduan murgiltzen laguntzeko formatu handiak ditu gogoko.

Gizakiak margotzen eta soldatzen dituenean, gu margotzen eta soldatzen gaitu. Ingurumena eta hiria modelatzen dituene­an, gu jartzen gaitu erdigunean.

Zer gara? zertan ari gara? guhaur, gure jendartea, agintzen dugunok, jasaiten dugunok? Zer ondorio ditu edozerk gure bizian, gure larruan eta ondokoenetan?

Galderak atertu gabe eta erantzun aukerak beste horrenbeste, irudikapen bideak nahi beste.

Arrak eta Garrak, Isilduak, Hirisilduak eta etorriko direnak zentzu horretan kokatzen diren puzzle baten piezak dirudite… Hausnarketaren eiherari goroldioa atera ez dakion eta itaunak zintzurrean ito ez daitezen piezak.

Gauzak ezberdinak izan daitezkeelako beti.

MdA: M960502

avatar

iF

Harremana


tTok - Joaniskobaita, Purguko kurutzeko plaza - 64480 Uztaritze (Lapurdi - EH)
+33 (0) 601 980 024 | +33 (0) 559 930 561